Клемент Ленгле од Атлетико Мадрид ќе отсуствува два месеци поради повреда, објави денес шпанскиот весник „Марка“.
Ленгле се повреди во среда на натпреварот од Купот на Кралот против Балеарес (3:2), кога го напушти натпреварот по 10 минути. Мадридскиот клуб не соопшти колку долго ќе отсуствува Ленгле.
„Ленгле претрпе тешко истегнување на медијалниот колатерален лигамент без придружни повреди, што беше дијагностицирано од медицинскиот персонал на клубот по тестовите извршени врз дефанзивецот, кој беше подложен на магнетна резонанца и дополнителна евалуација во четврток. Неговата состојба ќе се следи за понатамошен развој“, се вели на веб-страницата на Атлетико.