Полската тенисерка Ига Швјонтек денес го сруши 29-годишниот рекорд на Моника Селеш, освојувајќи ја својата 65-та последователна победа на отворањето на турнирот под покровителство на Женската тениска асоцијација (WTA).
Селеш, поранешна југословенска тенисерка, постигна 64 последователни победи на отворањата на WTA турнирите (прво коло или второ ако беше слободна во првото коло), вклучувајќи ги и гренд слем турнирите, во периодот од 1990 до 1996 година.
Денес, во првото коло на Отвореното првенство на САД, Швјонтек ја победи Колумбијката Емилијана Аранго со резултат од 2:0 (6:1, 6:2).
Претходно, полската тенисерка загуби во првото коло на турнирот во второто коло (беше слободна во првото како носителка) во Синсинати 2021 година, против Онс Жаберт од Тунис, а оттогаш има добиено 65 натпревари во низа, во првото коло.