Ватреполистите на Хрватска се новите светски прваци, откако синоќа во финалето на 17. Светско првенство во спортови на вода во Будимпешта го совладаа домаќинот Унгарија со 8:6, пред 8.000 бучни унграски навивачи.
Ова за Хрватска е втор златен медал на светските првенства, по оној во 2007 година во Мелбурн.
Резултат по четвртини: 4:0; 0:2; 2:2 и 2:2.
Популарните „баракуди“ одлично го почнаа финалето и по првата четвртина водеа со 4:0, но домаќинот до средината на третиот период успеа да изедначи на 4:4. Сепак, Хрватска повторно дојде до водство (7:4), кое не го испушти до крајот на дуелот.
Најефикасен на фуналето беше Сандро Сукно со 3 голови, додека голманот на Хрватска Марко Бијач имаше 11 одбрани.
Во натпреварот за бронзениот медал Србија ја победи Грција со 11:8.