Портпаролот на Меѓународниот олимписки комитет (ИОК) денеска изјави дека одлуката на Холандија да го избере Стивен ван де Велде, одбојкар кој одлежа затвор за силување дете пред 10 години, за Олимпијадата е „коректна“, велејќи дека тој поминал „голем дел од рехабилитацијата“.
„Да се окарактеризира ова како лесна и радосна одлука, не би било точно“, рече портпаролот на МОК Марк Адамс на прес-конференцијата одржана денеска.
Тој додаде:
„Јасно ставивме до знаење дека сме во долги разговори со Холандскиот национален олимписки комитет. Злосторството се случи пред 10 години, тој имаше долга рехабилитација и висока заштита“.
Ван де Велде, кој сега има 29 години, беше осуден на четири години затвор во 2014 година за силување на 12-годишно девојче, јавуваат британските медиуми. Тој беше ослободен во 2017 година.
Џо’Рис Колон, извршен директор на американскиот Центар за безбедни спортови, во изјавата испратена до Си-Ен-Ен во јуни рече дека организацијата е „длабоко загрижена што некој кој е осуден за сексуална злоупотреба на малолетник може да се натпреварува на Олимпијадата во 2024 година“.
„Додека тимовите од целиот свет се подготвуваат да се сретнат во Париз, од кои многумина вклучуваат малолетни спортисти, ова испраќа опасна порака дека медалите и парите значат повеќе од нивната безбедност. Спортувањето е привилегија, а не право“, додаде Колон.