Холандскиот стручњак Џовани ван Бронхорст е назначен за помошник тренер на фудбалерите на Ливерпул, објави денес англискиот клуб.
Ван Бронхорст (50) со тоа ќе се приклучи на стручниот штаб на сонародникот Арне Слот.
– Тој освои многу големи признанија за време на својата играчка кариера, која вклучуваше периоди со Феенорд, Ренџерс, Арсенал и Барселона – се наведува на веб-страницата на Ливерпул.
Од 2015 до 2019 година, холандскиот стручњак го водеше Феенорд, со кого го освои холандското првенство во 2017 година.
Потоа работеше во Гуангжу, Ренџерс и Бешикташ.
Ливерпул ја освои Премиерлигата пред два месеци, а во првото коло од новата сезона ќе игра против Борнмут на 15 август.