Следниот ривал на македонската фудбалска репрезентација во квалификациите за ЕУРО 2016, селекцијата на Белорусија синоќа на „Борисов Арена“ во пријателски дуел го победи Мексико со 3:2.
Мексиканците кои беа учесници на последното светско првенство водеа во два наврати, но Белорусија успеа да слави победа на домашен терен.
Од другите ривали во групата на победа се радуваа и фудбалерите на Словачка, кои со 2:1 ја победија Финска дома. Украина одигра нерешено 0:0 дома со Литванија, додека Шпанија загуби од Германија со 1:0. Стрелец на голот беше Тони Крос во претпоследната минута.
Од другите поинтересни пријателски натпревари одиграни синоќа ги издвојуваме резултатите: Република Ирска – САД 4:1, Португалија – Аргентина 1:0, Франција – Шведска 1:0, Шкотска – Англија 1:3, Австрија – Бразил 1:2, Грција – Србија 0:2 и Јапонија – Австралија 2:1.