Италијанскиот фудбалски стратег – Карло Анчелоти беше претставен како нов селектор на бразилската репрезентација на прес-конференција во Рио де Жанеиро пред повеќе од 250 претставници на медиумите.
Анчелоти ќе го има своето деби на клупата за Бразил во квалификациските натпревари против Еквадор и Парагвај во јуни. Меѓу другото, тој одговараше на прашања за бразилските фудбалери што ги тренирал во клубовите.
„Најдобриот Бразилец што некогаш сум го тренирал беше Роналдо. Тој беше спектакуларен техничар и еден од најсмешните луѓе на светот. Најголемиот професионалец што го тренирав беше Кафу, а Милитао и Винисиус ме прават најмногу да се смеам. Би додал за Винисиус дека тој е многу скромен, скромен човек“ рече Италијанецот.
Затоа секогаш зборувам добро за тие играчи. Имам многу добра врска со нив. Веднаш ме повикаа и ми честитаа кога станав селектор.
„Во мојата кариера тренирав 34 Бразилци и имав проблеми само со еден. Нема да кажам кој беше“, заврши Анчелоти.