Чаби Алонсо закажа состанок со пет играчи на 4 август, на кои, според тврдењата на шпанските медиуми, ќе им каже дека повеќе нема место за нив во клубот.
Станува збор за Родриго, Ферланд Менди, Давид Алаба, Дани Себаљос и Ендрик.
Како што пишува АС, Реал е отворен за продажба на Родриго, Менди и Алаба, додека Себаљос и Ендрик сè уште имаат одредена неизвесност.
Одлуката треба да се донесе по состанокот со Алонсо.
Наводно, Давид Алаба, не се согласува со раскинување на договорот, а заработува 22,5 милиони евра годишно. Според извештаите, тој е еден на оние на кои Алонсо дефинитивно не смета.
Најблиску до заминување досега е Бразилецот Родриго. Многу европски гиганти се заинтересирани за него, а најконкретен е Арсенал.
Ова лето, Реал Мадрид се впушти во сериозна реконструкција на тимот.
Одбраната беше значително зајакната со доаѓањето на Дин Хујсен, Алваро Карерас и Трент Александар-Арнолд.
Пристигна и младиот напаѓач Франко Мастантуоно, додека Лука Модриќ, Лукас Васкез и стоперот Хесус Ваљехо го напуштија клубот.