Телата на маж (47) и неговите родители, на возраст од околу 75 години, се пронајдени утрово во семејната куќа во Чачак, пренесуваат српските медиуми.
– По пријавата и по пристигнувањето на полицијата и екипата на брзата помош, било утврдено дека станува збор за насилна смрт, односно убиство. Покрај телото, полицајците пронашле и нож – вели добро информирани извори.
Се додава дека местото на настанот е обезбедено за да не се уништат трагите и доказите.
– Форензичкиот тим моментално е на терен и собира докази. Засега не може со сигурност да се потврди дали станува збор за семејна трагедија, двојно убиство и самоубиство или дали некој го уби тричленото семејство, но тоа ќе го утврди понатамошната истрага – додава изворот.