Земјотрес со јачина од 3,2 степени според Рихтеровата скала е регистриран во 14.15 часот, во Босна и Херцеговина.
Според достапните податоци, епицентарот на земјотресот се наоѓал на 50 километри југоисточно од Мостар.
Хипоцентарот на земјотресот, според податоците од Европско-медитеранскиот сеизмолошки центар, се наоѓа на длабочина од приближно 5 километри под површината на земјата.
Досега нема извештаи за материјална штета или повредени, а надлежните служби ја следат ситуацијата.
Граѓаните велат дека земјотресот бил добро почувствуван.
„Во Требиње добро се тресеше“, напишаа тие во коментарите на EMSC.
Има и дописи од граѓани од Хрватска.
„Добар удар, силно се тресеше во Дубровник“, напишаа тие.