Српскиот премиер Милош Вучевиќ денеска изјави дека Србија е подготвена да направи „компромис“ во однос на Косово, но на таков начин што ниту една страна не е „апсолутен победник“ ниту „апсолутен губитник“.
„Подготвени сме да правиме договори и компромиси, компромиси кои значат дека ниту една страна не е апсолутен победник или апсолутен губитник. Сè друго не може да има долгорочна одржливост“, рече Вучевиќ во интервју за агенцијата АФП.
Во врска со наводите за извоз на српска муниција која преку трети лица завршила во Украина, Вучевиќ рече дека тоа не претставува „српски придонес за една од завојуваните страни“.