Премиерот на Србија, Милош Вучевиќ изјави дека се подготвува голема и сеопфатна кампања против корупцијата и криминалот, против оние кои ја злоупотребиле довербата на граѓаните за лично богатење и посочи дека нема да бидат заштитени.
Вучевиќ рече дека на средбата со претседателот Александар Вучиќ било договорено првиот квартал од 2025 година да биде период на засилена борба против корупцијата.
„Можам да потврдам што рече претседателот пред некој ден. Подготвуваме голема и обемна кампања против корупцијата, криминалот, оние кои ја злоупотребија довербата на граѓаните за лично богатење. Тоа не значи дека тоа ќе биде лов на вештерки, законот ќе се почитува, секој ќе може да ги докаже фактите кои се важни“, рече Вучевиќ.