Српскиот премиер Милош Вучевиќ денеска изјави дека за опозицијата која сака отцепување на Војводина, брановите протести се можност да се стават вакви планови на маса, додавајќи дека предводници на ова се Горан Јешиќ и Динко Грухоњиќ.
Вучевиќ за ТВ Пинк изјави дека ова прашање не се појавило одеднаш и дека оние кои сонуваат за тоа и политички се борат за такво сценарио виделе можност по трагедијата од 1 ноември минатата година.
– Брановите протести се можност да ги стават овие проекти на маса. Тоа нема никаква врска со трагедијата. Како некој што живее таму и е роден таму, чувствувам потреба да истакнам дека не е исто наратив кога ги имаме овие компликации во општеството во Чачак, Ваљево, Ниш и во Нови Сад. Го видовме во Црна Гора горе-долу истото сценарио, истакна Вучевиќ.