На територијата на федерацијата Босна и Херцеговина од денеска ќе се применува Правилникот за забрана за пушење во сите затворени објекти.
Правилникот стапи во сила пред шест месеци, но им се остави простор на угостителските објекти да се адаптираат половина година.
Законскиот предлог предвидува дека правните лица кои нема да забранат употреба на тутун ќе платат глоба до 5.000 марки (околу 2.500 евра), додека физичкото лице кое консумира тутун во затворен простор ќе се казни со глоба од 100 марки (околу 50 евра).
Казните ќе почнат да се наплатуваат за шест месеци.
Во Босна и Херцеговина, тутунски производи користат речиси 1 милион луѓе, од околу 3,5 милиони жители.
Светската здравствена организација (СЗО) наведува дека БиХ со 35,5 отсто пушачи е втора во Европа, зад Србија, каде пуши 37,6 отсто од населението.