Земјотрес со јачина од 4,1 степени според Рихтеровата скала е почувствуван денеска во областа Бузау во централна Романија, соопшти романскиот национален институт за геологија.
Земјотресот е забележан во 16:57 часот по локално време, со епицентар на 64 километри северозападно од градот Бузау и четири километри северозападно од градот Нереј.
Во соопштението на романскиот национален институт за геологија се наведува дека епицентарот на земјотресот бил на длабочина од 132 километри.