Денеска, една недела по трагичната железничка несреќа, Грците повторно се збогуваат со 57-те жртви во железничката несреќа кај Лариса, кои беа во „возот за млади“, како што го нарекоа трагичниот состав што доведе до смрт на студенти и ученици поради наводна грешка на еден човек.
Во цела Грција се најавени протестни собири. Илјадници млади се очекуваат да дојда на плоштадот Синтагма во Атина. Автобусите, приградските возови, целиот градски сообраќај денеска нема да работат… Бродовите остануваат во пристаништата, училиштата се затворени, сите синдикати на вработените во јавниот и приватниот сектор се приклучија на штрајкот со повик за средба и збогување со загинатите да биде национален собир во сите градови.
Атинскиот Работнички центар, кој ги повика сите синдикати на протести, вели дека „борбата ќе продолжи за да не се прикрие трагедијата и одговорните да бидат изведени пред лицето на правдата, за да се запре антинародната политика, која ги стави материјалните интереси над заштитата на човечките животи“.
Инаку, родителите на загинатите, кои неколку дена чекаа информации за нивната судбина и кои подоцна добија запечатени кутии, изразуваат сомнеж во веродостојноста на податоците и бараат повторување на ДНК тестовите врз основа на кои е откриен идентитетот на констатирани жртви. Практично, можеше да се идентификуваат само неколку тела.
Според адвокатите на семејствата, роднините, со оглед на тоа што било забрането да се отвори ковчегот, се сомневаат дека тоа што го погребуваат е нивно дете или најблизок роднина. Сè уште има семејства кои не ги закопале своите бидејќи резултатите од ДНК тестот не биле готови и во некои случаи не се поклопувале, што според адвокатот само го засилува сомнежот дека во брзината со која вештачењето на ДНК направени се тестови, направени се многу пропусти со кои роднините не сакаат да се справат.помири се.