Четвртиот протест „Србија против насилството“ започна во 18 часот пред Народното собрание, од каде насобраните тргнаа да пешачат и да ја блокираат РТС околу која ќе формираат обрач.
Пред зградата на РТС има голем број граѓани кои бараат оставка од првиот човек на РТС.
„Овде пристигна почетокот на колоната, има голем број граѓани кои ви велат да излезете надвор. Нема припадници на полиција или Жандармерија. Раководството на РТС добило препорака за спуштање на мрежата, но тие одбиле. Меѓу барањата со протести ќе ги повторам оставките на Братислава Гашиќ, директорот на БИА Александар Вулин, оставките на членовите на РЕМ…“, рече известувач на српска Нова.
Граѓаните цело време извикуваат „ууууу“, свират и бараат оставки. Се слушаат и извици „Вучиќ оди си“.
Репортерката на Нова.рс Наташа Латковиќ претходно од паркот Ташмајдан изјави дека граѓаните бараат оставки.