Заменик-директорот на Хрватската канцеларија за сузбивање на корупција и организиран криминал (УСКОК) Крешимир Острогонац денеска изјави дека поранешниот хрватски министер за здравство Вили Берош е обвинет за кривични дела злоупотреба на положбата и овластувањата, како и трговија со влијание во криминална организација, а адвокатката на Берош Лаура Валковиќ вели дека законот предвидува многу поблаги мерки од притворот и дека ќе поднесе жалба.
Острогониќ потсети дека надлежниот обвинител УСКОК донел решение за спроведување истрага против три физички и две правни лица, а еден од нив бил и Берош.
„Тој се товари за кривични дела злоупотреба на положба и овластување и кривични дела тргување влијание како дел од злосторничко здружување, а останатите две лица се товарат за кривични дела примање и давање поткуп и кривични дела противзаконско фаворизирање и како дел од злосторничко здружување“, рече Острогонац за РТЛ.