Утрово околу 10:30 часот се случи несреќа во српскиот град Нови Пазар во која животот го загуби 21-годишник, јавуваат српските медиуми.
Според првичните информации, младиот човек бил работник на градилиштето на зграда.
Несреќата се случила при изведување работи кога младиот човек од засега непознати причини, паднал од височина.
Како што пренесува „Информер“, тој паднал низ отворот за лифтот на зградата во изградба.
На местото на настанот веднаш пристигнале екипи на итната помош, но лекарите можеле само да констатираат смрт на работникот.
Полицијата набрзо пристигнала на местото на несреќата и започнала увид, додека работите на градилиштето биле прекинати.