Во Нови Пазар денеска околу 17.20 часот на улица се случил инцидент во кој учествувале малолетници.
Според достапните информации, К.А.(16) со нож му нанел тешки телесни повреди на малолетниот Р.К. (17), кај него е пронајдена една убодна рана, пишува „Санџак денес“.
Повредениот Р.К. итно бил пренесен во болница каде му била укажана соодветна лекарска помош.
Според последните информации неговата состојба е стабилна и е надвор од животна опасност.
Очевидци велат дека конфликтот започнал со вербална расправија која набрзо прераснала во физичко насилство.
Со брза интервенција на полицијата К.А. е уапсен и моментно е во притвор.
Истрагата е во тек.