Ѓуро Раца, татко на трагично загинатата Горанка Раца, која загина на 1 ноември кога се урна настрешницата на железничката станица во Нови Сад, апелира дека така не може да се дојде до правда за сите жртви.
„Ова не е начин да се дојде до правда, работите треба да се решаваат мирно и со дискусија“, вели Ѓуро Раца.
Тој додава дека некои овој немил случај на паѓање на настрешницата го исристија против државата.
„Според мене и Обвинителството и судот си ја вршат работата. Семејството Раца осудува дека опозицијата и студентите се обидуваат да го урнат државниот поредок и дека се обидуваат да ја злоупотребат оваа трагедија. Веруваме во државата и државните органи дека ќе ја завршат својата должност и ќе ги најдат одговорните за падот на настрешницата. Им испраќаме поддршка на студентите во Пионирски парк кои сакаат да учат и мирно да ги решаваат проблемите, не е во ред по 15 минути молчење да се слави, да се пее, да се игра и слично, а сето тоа го видовме на улиците низ земјава“ рече Раца.
Тој апелира до сите да престанат со насилството и хаосот бидејќи во својата тага и болка најдобро знае колку градот Нови Сад, но и државата Србија му помогна на неговото семејство по трагедијата.
Побара и да не го користат името на починатата Горанка Раца, таа да почива во мир, како и да ги остават државните институции да си ја завршат работата, а одговорните секако ќе бидат пронајдени.