Најмалку 13 рудари се повредени денеска во рудникот „Трепча“ поради истекување на сулфурна киселина.
„Денеска околу 13 часот се случи инцидент во рудникот Трепча, каде има истекување на хемикалија на сулфурна киселина, при што се повредени 13 рудари“, се наведува во соопштението.
Двајца рудари се здобиле со тешки повреди на очите, по што се пренесени во Општата болница во Митровица.
Се додава дека и останатите рудари се хоспитализирани, но се очекува наскоро да бидат пуштени на домашно лекување.