Наставничката е стабилна, сè уште дише со помош на механичка вентилација, а за денеска е планирана дополнителна дијагностика во нејзиното лекување, рекоа од клиничката болница „Свети Дух“ и потврдија дека наставничката има 31 убодна рана, пренесуваат хрватските медиуми детали за вчерашниот грозоморен напад на ученик врз наставничка и ученици во училиштето „Пречко“ во Загреб.
Министерката за здравство Ирена Хрстиќ откри детали.
– Децата се во контакт со родителите и се надевам дека овој контакт ќе им помогне. Моја груба проценка е дека на сите им е потребна поинаква форма на помош, но тоа не е во моја надлежност – изјави Хрстиќ.
Таа додаде дека сите се добро и се надвор од животна опасност.
Утрото по трагедијата пред основното училиште во Пречко владее молк и тага.
Полицијата ја заврши истрагата, па улицата до училиштето е пуштена за сообраќај.
Училиштето се уште е опкружено со полициска лента, а има околу 10 полицајци кои го обезбедуваат местото на теророт.
Мајката на напаѓачот кој вчера упадна во училиштето „Пречко“ во Загреб и избоде неколку деца, од кои едното е убиено, се огласи и даде детали за нејзиниот 19-годишен син.