Министерот за внатрешни работи – Ивица Дачиќ изјави дека утрешната централна средба, во рамки на тридневниот собир „Србија нема да ја дадеме“ во Белград, ќе биде еден одговор на Србија, која, како што вели, сака да живее нормално и да се развива.
Дачиќ изјави дека утрешните барања на граѓаните ќе бидат во насока на воспоставување нормален живот и нормална одговорност за сите.
„Очекувам големо собрание, кое е народно собрание, што на некој начин е одговор на Србија, која сака да живее нормално и да се развива. Според тоа, барањата секако ќе бидат насочени кон воспоставување нормален живот и нормална одговорност за сите“, рече Дачиќ.
Тој го изрази своето задоволство што денеска низ главниот град „продефилира“ српското знаме, најголемото во историјата и посочи дека на овој начин е испратена пораката дека Србија е над се, над сите поделби.
„Во овој момент сите треба да ги браниме нашите интереси“, рече Дачиќ.