Регионалната музичка ѕвезда Лепа Брена и нејзиниот сопруг Слободан Боба Живојиновиќ летово уживаат на новата луксузна јахта, која привлече внимание со својот изглед и импресивните димензии.
Нивното ново пловило е долго 26 метри и има две нивоа. Јахтата го носи името „Lady B“, што е очигледна посвета на популарната пејачка.
Внатрешноста е уредена во луксузен стил и располага со пространи дневни простории, спални соби и модерни бањи.
Јахтата може да прими до 12 лица.
Лепа Брена претходно зборувала за тоа колку ужива во патувањата и престојот на јахта, истакнувајќи дека промената на средината и посетата на нови дестинации ѝ носат инспирација.
„Патуваме затоа што патувањата, разновидноста и далечината се тајни освежувачи на креативноста на нашиот ум“, изјави таа.
Брачниот пар претходно ја покажа јахтата во Будва, а потоа пристигна и во Опатија.
Според пишувањата на српските медиуми, претходната јахта ја изнајмувале.