Бразилскиот уролог д-р Талас Андраде неодамна сподели шокантен случај од неговата пракса кој брзо стана вирален. Имено, тој морал хируршки да отстрани дури 35 камења од бубрезите и мочниот меур на пациент кој пиел до 3 литри газирани пијалаци секој ден.
View this post on Instagram
Во видеото што го објави на Инстаграм, кое е прегледано повеќе од 8,5 милиони пати, тој покажа сад полн со жолти камчиња отстранети од уринарниот систем на пациентот за време на самата операција.
Видеото предизвика лавина од коментари и загриженост, бидејќи ги покажува реалните последици што телото може да ги претрпи поради прекумерно внесување шеќер и газирани пијалаци.
Тие камења, како што објасни докторот, се формираат како калциумови наслаги во уринарниот тракт и можат да предизвикаат цела низа непријатни симптоми – од болки во грбот, гадење и повраќање, до печење при мокрење, крв во урината и чести инфекции.
Доколку проблемот не се препознае и не се третира навреме, последиците можат да бидат многу сериозни. Камењата можат да го блокираат протокот на урина, да предизвикаат откажување на бубрезите или дури и сепса – состојба кога телото почнува да ги напаѓа сопствените органи, што може да биде фатално.
Д-р Андраде нагласи дека главниот виновник е шеќерот. Газираните пијалаци, кои многу луѓе ги пијат секој ден, се полни со шеќер, што може да го зголеми нивото на калциум во телото, што потоа го фаворизира формирањето на камења. Освен газираните пијалаци, овошните сокови и енергетските пијалаци со висока содржина на шеќер можат да имаат сличен ефект – особено ако некое лице не пие доволно вода, се храни лошо или има генетска предиспозиција за заболувања на бубрезите.
Многу луѓе ги игнорираат првите знаци на проблеми со бубрезите бидејќи на почетокот се благи, но телото јасно испраќа сигнали – потемна урина, често мокрење, болки во долниот дел од грбот или крв во урината се знаци дека нешто не е во ред. Затоа е важно да се реагира навреме и да се променат навиките пред да се појават посериозни компликации. Најдобра превенција е доволен внес на вода, намалување на рафинираниот шеќер и редовни прегледи кај лекар.