Познатата пејачка Пинк го потпиша својот прв договор за снимање во 1995 година, кој и донесе популарност и и го промени животот. Само неколку недели пред тоа била во опасност да умре, поради предозирање. Пејачката Пинк рече дека земала „екстази, ангелска прашина, кристал, секакви нешта“ на Денот на благодарноста.
Деталите од тоа трауматично искуство таа ги откри неодамна во емисијата „60 минути“.
Кога водителот ја праша:
„За малку ќе умревте?“,таа рече:
„Да“ и додаде дека во тоа време била „надвор од колосекот“ и дека пред тоа го напуштила средното училиште.
“Бев клошар, викав и се лутев. Пораснав во куќа во која моите родители секој ден врескаа еден на друг, фрлаа работи… се мразеа. Почнав да се дрогирам, продавав дрога”, кажа пејачката.
Пинк подоцна беше потпишана со LaFace Records како член на групата Choice, и започна соло музичка кариера во 2000 година по номинацијата за Американска музичка награда.
Во 2012 година, пејачката во интервју за Entertainment Weekly откри дека од 12 до 15 години интензивно одела на забави, дека ги консумирала сите „клупски дроги“ и дека нејзината пријателка починала од предозирање. Престанала да користи дрога откако тоа за малку ќе ја чинело живот: „Таква сум јас. Кога ќе одлучам, завршувам“.
Таа нагласи дека тешкото детство ја направило силна:
„Никогаш не добив дискографски договор за рекорд затоа што бев слатка. Потпишав договор затоа што бев борбена, имав толку многу да кажам и имав став“.
Пејачката има две деца со сопругот Кери Хант.