Актерката и пејачка Селена Гомез и екипата на филмот „Емилија Перез“ ја добија француската награда „Ordre des Arts et des Lettres“.
Оваа награда вообичаено се доделува на поединци чии уметнички, книжевни или други креативни дела дале значаен придонес во збогатувањето на француското културно наследство, пишува Дејли Меил.
Наградата ја доделија директорот на Вила Албертен и францускиот културен дипломат во Америка, Мохамед Буабдала. Тоа е криминална комедија на шпански јазик за брутален водач на картел кој ја лажира својата смрт за да стане жена. Филмот го режираше Жак Аудиар, а покрај Гомез играат и Карла Софија Гаскоњ, Зои Салдана, Едгар Рамирез и Адриана Паз.
Инаку, неодамна беше откриено дека сестраната Гомез – актерка, пејачка и основач на козметичкиот бренд Rare Beauty – е милијардерка и, како што пишува People, нејзиното богатство се проценува на 1,3 милијарди долари.
Анализата на богатството ја проценува вредноста на нејзиниот удел во Rare Beauty и организацијата за ментално здравје која таа ја коосновала – Wondermind, проследена со вредноста на продажбата и заработката од нејзините музички албуми, зделки за стриминг, партнерства, билети за концерти и заработка од актерството.
Со сето горенаведено, Гомез успеа да застане покрај другите познати милијардери како Џеј Зи, Ријана, Тејлор Свифт и Брус Спрингстин, а Гомез беше најмлада од музичарите.
Како актерка почна да заработува глумејќи како деветгодишно дете во шоуто „Барни и пријателите“, а потоа на 15 години ја доби улогата на Алекс Русо во серијата „Волшебниците од Вејверли Плејс“ која се емитуваше на каналот Дизни.
Подоцна, покрај нејзината актерска кариера, таа започна да создава кариера во музичката индустрија, објавувајќи три соло студиски албуми, три EP и 36 синглови, од кои многу завршија на топ листите на Билборд. Сепак, Гомез заработи само два отсто од своето богатство од нејзината музика.
Иако се чини дека Селена добро заработува од глумата, особено од серијата „Само убиства во зградата“, а таа се појавува и во претстојниот римејк на „Волшебници надвор од Вејверли Плејс“ и е вклучена во продукцијата на двата проекта, сепак 81 отсто од нејзиното богатство доаѓа од нејзиниот бренд Rare Beauty.
Гомез лансираше бренд за шминка во 2020 година, а благодарение на успехот на производите, особено руменилото што стана вирално на TikTok во 2022 година, продажбата на брендот се зголеми за 100 проценти само од 2021 до 2022 година, за да порасне за 200 проценти од година во година дена подоцна, а од мај 2023 до 2024 година, според People, продажбата била 400 милиони долари, а вредноста на самиот бренд била проценета на 2 милијарди долари.
“Многу сум ви благодарна. Лично, мислам дека е невкусно да се зборува за пари, но навистина ги пофалувам луѓето кои ги купуваат производите. Тие ми го остварија овој сон. Така што јас сум навистина … навистина почестена и среќна“, изјави претходно Гомез.