Номинациите за престижните Оскари повторно се одложени поради пожарите кои со денови беснеат во Лос Анџелес.
Како што соопшти денеска Академијата за филмски уметности и науки, номинациите ќе се одржат на 23 јануари.
„Сите сме ужасни од ударот на пожарот и загубата што ја претрпеа толку многу во нашата заедница“. Академијата отсекогаш била обединувачка сила во филмската индустрија и ние сме посветени да застанеме заедно пред неволјите“, изјавија извршниот директор на Академијата – Бил Крамер и претседателката на Академијата – Џенет Јанг, пишува „Холивуд Репортер“.
Продолжен е и периодот на гласање за номинации – до петок.
Доделувањето на научни и технички награди, кое претходно беше закажано за 18 февруари, ќе се одложи.
97-то доделување на Оскарите ќе се одржи на 2 март во театарот „Долби“.
Најпрвин номинациите требаше да се одржат на 17 јануари, но поради пожарот тие беа преместени на 19, а денеска Академијата одлучи да ги одложи по вторпат и да го одреди 23 јануари како нов датум.