Музичарот Лени Кравиц и супермоделот Наоми Кембел неодамна беа гости на 21. роденден на Џиџи Хадид, а папараците веднаш забележаа дека тие заедно пристигнале на забавата.
Само неколку денови пред тоа манекенката ја промовираше автобиографската книга „Наоми“, а еден од гостите беше славниот музичар. Тогаш папараците успеаа да го фотографираат Кравиц додека го бакнува рамото на Кембел.
Ниту Наоми ниту Лени во моментот немаат партнери, а за разлика од музичарот, славната манекенка никогаш не била во брак. Кравиц од бракот со Лиса Бонет ја има ќерката Зои. Тој по Бонет беше во врска со Ванеса Парадис, а потоа беше верен со Адриана Лима.