Семејството Мелис е по потекло од Пердасдефогу, село на островот Сардинија.
Според Гинисовата книга на рекорди, таму има најголем процент на стогодишници во светот. Пјетро Мереу, режисер кој сними документарен филм за градот на стогодишниците, рече дека заедничко на сите им е тоа што напорно работеле цел живот, но се хранеле здраво и живееле со малку или без стрес.
„Наместо да го следат ритамот на мејловите или мобилните телефони, тие го следеа ритамот на природата“, посочи тој.
Семејството Мелис е најстарото семејство во светот кое го држи рекордот за долговечност. Во 2012 година го собори рекордот како семејство со најголема комбинирана возраст.
Деветте браќа и сестри имаат 862 години заедно, а најстариот член има 110 години.
Ден Буетнер, истражувач, новинар и продуцент кој со години ги проучува навиките на луѓето во сините зони, откри што јаде секој ден најдолговечното семејство.
Она што е интересно е што сите членови јадат ист оброк секој ден. Станува збор за минестроне супа со три вида грав (гарбанцо, пинто и бел грав), леб од квасец и чаша црвено вино.
Овој оброк е типичен за сините зони бидејќи се состои од цели намирници од растително потекло, што го потврди и диететичарката Саманта Кесети.
„Луѓето кои живеат најдолго и најздраво, секојдневно јадат половина шолја до шолја грав. Покрај тоа, оваа супа е богата со зеленчук, што придонесува за долговечноста“, вели таа.
„Природно ферментираниот леб од кисело тесто не произведува скокови на шеќер во крвта како белиот леб, што помага да се одржи поздраво ниво на шеќер во крвта. Со текот на времето, високиот шеќер во крвта може да придонесе за зголемен ризик од развој на инсулинска резистенција и дијабетес тип 2″ – вели Кесети.