Актерката Џејн Фонда (87) со години изгледа исто. Годините за неа не постојат, а овој пат откри која е нејзината тајна.
Во ексклузивното интервју за People, Џејн откри дека всушност се однесува исто како и секогаш.
„Во суштина, правам сè како порано, само побавно. Порано сакав да трчам, сега пешачам. Уживам да поминувам време во природа. Вежбам секој ден, но миксот е важен. Се трудам да ги работам и горниот и долниот дел од телото, но и кардио, а најмногу сакам да шетам во природа“, вели таа.
Познато е дека Џејн Фонда е голем фитнес ентузијаст уште од осумдесеттите кога го објави своето прво видео за вежбање инспирирано од нејзината книга „The Jane Fonda Exercise Book“.
Секогаш нагласувала дека не ни поимала дека нејзините видеа ќе станат вистински феномен, и дека сите од неа ќе побараат рецепт за совршен изглед.
Откако инспирира многу луѓе и ги натера да се придвижат, тие продолжија да ја контактираат и да и се заблагодаруваат, а Џејн дури и тогаш не можеше да поверува на влијанието што го прави, па продолжи да работи со исто темпо.