Дваесет и петгодишна жена од германскиот град Хесен отворила пакет облека, а од него излегла најотровната скорпија која ја каснала, поради што завршила во болница.
Млада жена со потекло од Сирија, на бегалскиот портал „Амал“ од Берлин објавила дека нарачувала облека од Шејн, а кога го отворила пакетот, ја прободела скорпија.
Портпаролот на полицијата за германските медиуми потврди дека инцидентот се случил пред неколку дена. Тој рече дека соседот на несреќната жена повикал полиција и дека ја убил скорпијата пред да пристигне полицијата, објави Феникс-магазин.
Младата жена веќе била пренесена во Универзитетската болница во Марбург, каде и била укажана прва помош.
In einer Lieferung des asiatischen Versandhändlers "Shein" an eine Marburgerin hat sich ein Skorpion versteckt. Beim Auspacken stach das hochgiftige Tier die 25-Jährige in die Hand. Die junge Mutter reagierte erstaunlich abgeklärt. https://t.co/oAdkDo5il6
— hessenschau (@hessenschau) November 8, 2024
Полицијата во истата болница ја однела и мртвата скорпија каде било утврдено дека отровот од овој вид на скорпија не е смртоносен за возрасните, ама е опасен за децата.
Тоа беше жолта медитеранска скорпија, една од најотровните од ваков вид во светот. Нејзиниот убод може да предизвика повраќање и вртоглавица кај возрасните, а може да биде фатален за децата.
Младата жена била шокирана бидејќи рекла дека има едногодишен син, кој, за среќа, бил во кревет кога го отворила пакетот.
Дека скорпијата може да се најде во пакети кои пристигнуваат од Азија не е изолиран случај, како што покажува неодамнешниот сличен пример за кој пишува германски Шпигел.
Така, според написот во тој магазин, скорпијата била и во пакетот на Шејн, кој го нарачала студентка од Бристол, Англија, но за среќа не успеала да ја касне.