Благодарение на зелениот Versace фустан на Џенифер Лопез од 2000 година, денеска можеме да пребаруваме фотографии на Google. Извршниот директор на интернет гигантот Ерик Шмит вели дека зелениот фустан бил најбараниот поим што некогаш претходно го виделе.
Шмит во новиот блог за Project Syndicate пишува дека опцијата за пребарување фотографии настанала благодарение на фустанот што Џенифер Лопез го носела на доделувањето на Греми наградите во 2000 година.
„Џенифер Лопез го носеше тој фустан и привлече многу внимание со него. Во тоа време тоа беше најбараниот термин што сме го виделе. Сепак, немавме начин како да им го дадеме на корисниците она што го бараат: Џеј Ло во тој фустан. Од тој момент беше роден Google Image Search“ – објаснува тој.