Холивудската легенда, Џина Роуландс е овогодинешната добитничка на наградата на Здружението на филмски критичари од Лос Анџелес, (Los Angeles Film Critics Association) за целокупната нејзина кариера.
Признанието ќе и биде доделено на 10 јануари 2015 година, објави Здружението по пат на Твитер.
Некои од претходните добитници се и Дорис Деј, Ричард Лестер, како и починатиот сопруг на Џина Роуландс – Џон Касаветес, кој признанието го добил во 1986 година.
Роуланд со сопругот соработувала на десет филмски остварувања и беше номинирана за престижниот Оскар за филмот Глорија, како и за „Жена под влијание“.
Исто така, во 2004 година се појави во филмот „Тетратка“.