Доли Партон е погребана во петокот, 28 август, во Нешвил, а нејзиното семејство ја исполнило нејзината последна желба – погребот да биде едноставен и да помине во тесен семеен круг.
Веста ја потврди нејзината внука Лени Меј Партон, која во саботата објави емотивна порака и фотографии со Доли и други членови на семејството.
„Ова навистина ми е многу тешко да го напишам. Сакав да почекам да биде погребана баба ми, а потоа да се обидам сето ова да го преточам во зборови“, напиша Лени.
Членовите на семејството во петокот беа забележани во Меморијалниот парк и мавзолејот Вудлон во Нешвил, каде што Доли Партон е погребана покрај својот сопруг.
Погребот поминал во едноставна атмосфера, токму како што сакала Доли. За организацијата се погрижил нејзиниот внук Брајан Сивор, кој бил и шеф на нејзиното обезбедување.
Лени Меј откри и колку значела Доли за целото семејство. Нејзините внуки и внуци од милост ја нарекувале „тетка баба“, а таа им била голема поддршка во животот.
„Секогаш наоѓаше начин да направи да се чувствувам доволно добра. Никогаш не правеше моите соништа да изгледаат преголеми и никогаш не ми даваше чувство дека нешто не можам да направам. Веруваше во мене пред јас самата да знам како да верувам во себе“, напиша Лени.
Таа призна дека сè уште не може да прифати дека Доли ја нема.
„Ќе ми недостига нејзиниот глас, нејзината смеа, нејзините прегратки и самото сознание дека беше тука“, напиша нејзината внука.
Доли Партон зад себе остави долгогодишна музичка кариера и огромно богатство, но и силна семејна врска која очигледно останала една од најважните работи во нејзиниот живот.