Британецот Питер Хигс и белгиецот Франсоа Англер се добитници на Нобеловата награда за физика. Академијата наведува дека наградата ја доделува за теоретското откритие на механизмот кој придонесува за разбирање на потеклото на масата на субатомските честички.
Својата револуционерна теорија научниците ја изложија уште 1964 година, а е потврдена со откритието на „Хигсовиот бозон“ во 2012 година во ЦЕРН во најсилниот акцелератор на честички во светот кој се наоѓа близу Женева.