Јас никому не верував, не знаев кој ми е вистински пријател, а кој ме искористува заради славата, но таа само со една реченица ми даде сила да се борам, изјави пејачот Бој Џорџ.
Иако не биле пријатели, англискиот музичар Бој Џорџ (54) рече дека починатата принцеза Дијана најмногу му помогнала во најтешките моменти.
– Се сретнавме случајно во 80-тите. Бев зависник од хероин, никому не верував, не знаев кој ми е пријател, а кој ме искористува заради славата, но таа само со една реченица ми даде сила да се борам. Ми рече дека сум борец и тоа е најубавиот комплимент кој некогаш сум го добил, изјави пејачот кој моментално е ментор во британскиот талент шоу.