Селма Блер за прв пат проговори за нејзиното љубовно искуство со познатиот Роби Вилијамс – иако нивниот прв состанок не траел долго.
Актерката Селма Блер раскажа интересна анегдота за нејзиниот прв состанок со Роби Вилијамс, кој исчезнал од нејзиниот стан „со молскавична брзина“ кога видел нешто што не му се допаѓа.
Таа истакна дека неговите постапки не ја навредиле, туку слатко ја насмеале, а на тој момент се сеќава како еден од интересните од нејзината бурна љубовна историја.
„Тој ми го отвори фрижидерот и ми рече: „Морам да одам“.
“Браво за него што знаеше што сака. Веројатно имав шише шампањ и колачиња во фрижидерот. Тој добро сфати дека не сум јас таа што ќе го нахрани”, рече низ смеа.
И, додека актерката зад себе има еден брак и неколку неуспешни врски, Роби Вилијамс е во среќен брак со актерката Ајда Филд веќе петнаесет години, со која има четири деца, две ќерки и два сина.