(ВИДЕО) Заев: Илинден не потсетува на обврската дадена од тие што се бореле за земјава

Од:

„Демократски слободна, економски стабилна, целосно меѓународно признаена и почитувана, светла и современа Македонија – со тој копнеж, ние, денешните генерации го дочекуваме годинешниот 2 август, голем ден, Илинден“, вели претседателот на СДСМ, Зоран Заев во својата честитка за Илинден.

Тој потсетува дека Илинден ни е оставнина од оние што се бореле за оваа земја.

dobivaj vesti na viber

„Овој свет датум за државата и за граѓаните е вечен потсетник на темелите на македонската државност, но и на нешто уште поважно, на обврската кон оние кои се бореле за земјава и што ја оставиле на поколенијата по нив, да ја чуваме и развиваме таа слободна Македонија и нејзиниот народ, за што ги положиле своите животи“, порачува Заев.

„Ова се нови времиња, но ја пренесуваат древната идеја за широк, отворен дух – едни кон други дома, во нашата татковина, едни кон други во соседството и светот, а пред се во себе, како што е единствено можно да се опстои и живее мирно и стабилно.

Меѓусебната толеранција и разбирање е предизвик на секој момент и секое време. Но денешниот ден нека не биде само бележник, дека само со единство може да се успее, туку и мотив – да ги оставиме разликите, од каква природа и да се, секој да извлече максимум од себе, да покажеме меѓусебна почит и да се свртиме кон заедничка иднина, достоинствен дом во кој има место за сите“, вели претседателот на СДСМ.

Тој, честитајќи го Илинден во името на СДСМ, порачува дека сега е време кога треба да се вратиме на слободата на духот.

„Денес, повеќе од кога и да е имаме потреба да ја вратиме слободата на духот, креативна движечка сила која единствено носи напред“, вели Заев во честитката.

Би можело да ве интересира

САД го честитаа празникот Илинден

Ана Ололовска

Реафирмирани вредностите на двата Илиндена, одбележувањето без масовни собири

Ана Ололовска

„Победа за сите“ – заеднички лајтмотив на чествувањата во Крушево, Пелинце и Скопје

Ана Ололовска

Денот на Републиката неработен за сите граѓани

Ана Ололовска

Одбележувањето на двата историски Илиндена без масовни собири и со здравствени протоколи

Ана Ололовска

Охридскиот кризен штаб за празничниот викенд најавува засилени контроли, препорачува придржување до заштитните мерки

Жарко Настоски

Leave a Comment

seventeen − fifteen =