МВР информира дека доцна синоќа во 23.10 часот на подрачјето на Центар во Скопје, полициски службеници од Полициската станица Центар го лишиле од слобода К.К.(20) од Скопје.
Тој бил затекнат при обид со запалка да запали знаме.
Знамето и запалката биле одземени, а тој бил задржан во полициска станица.
Основното јавно обвинителство Скопје поведе постапка против 20-годишникот за кого постои основано сомнение дека сторил кривично дело – Предизвикување омраза, раздор или нетрпеливост врз национална, расна, верска и друга дискриминаторска основа од член 319 став 1 од Кривичниот законик.
Тој се обидел да запали албанско национално знаме, при што бил забележан и спречен од полициски службеници кои го привеле.
Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор.