Полицијата извести дека вчера во Тетово и Гостивар се повредени двајца малолетници кои возеа електрични тротинети.
Во 15.20 часот е пријавено дека на регионалниот пат Р1-206 во село Врапчиште, гостиварско, малолетник од селото управувајќи електричен тротинет изгубил контрола и паднал на коловозот. По несреќата малолетникот е пренесен во Медицинскиот центар во Гостивар каде од лекар му се констатирани тешки повреди.
Во 15.55 часот било пријавено дека во Тетово на булеварот „Илинденска“, се случила сообраќајна несреќа во која учествувале возило „мерцедес“ управуван од А.М.(47) од Тетово и електричен тротинет управуван од малолетник од село Гургурница, тетовско. По несреќата, малолетникот бил пренесен во Клиничката болница во Тетово, каде од лекар му биле констатирани тешки повреди.