Две патнички возила денеска директно се судрија на магистралниот пат Штип – Пробиштип, откако едното возило, според првичните информации, во обид да избегне пламени наноси од активен пожар, навлезе во спротивната сообраќајна лента.
Несреќата се случи кога возилото кое се движеше кон Штип премина на спротивната страна од коловозот и директно се судри со автомобил што доаѓаше од спротивен правец.
Во сообраќајната несреќа повредени се повеќе лица, кои со возила на Итната медицинска помош се пренесени во болница, каде им е укажана лекарска помош.
Засега нема информации за тежината на нивните повреди.
