Студентите кои се револтирани од скандалозниот избор на нов лидер на Студентскиот парламент на Универзитетот „Св. Кирил и Методиј“ за денеска најавија собир пред Ректоратот, за кога е закажана и вонредна седница на ректорската управа.
Вонредната седница доаѓа по прозивките од страна на студентите дека Универзитетот мора да ги осуди нелегалните избори за студентски претседател, како и полициската акција и бруталност врз студентите. Студентскиот парламент бара детално објаснување за сите околности и случувања поврзани со студентските избор.
Студентскиот пленум пак очекува денеска сите професори, членови на универзитетскиот сенат едногласно да ги осудат изборите и да побараат одговорност од Студентскиот парламент.