МВР информира дека синоќа во 21:15 часот во Скопје, на подрачјето на Кисела Вода, полициски службеници од СВР Скопје го лишија од слобода Б.К.(60) од Скопје.
Околу 17:00 часот на ул. „Димо Хаџи Димов“ се случи сообраќајна несреќа помеѓу патничко возило „фолксваген пасат“ со скопски регистарски ознаки, кое го управувал Б.К. и товарно возило „нисан“ со скопски регистарски ознаки, управувано од Е.Е.(31) од с. Морани, општина Студеничани, по што била удрена и 19-годишната А.С.
Во несреќата со тешки телесни повреди се здоби пешакот А.С., констатирани во Ургентен центар при Комплекс клиники „Мајка Тереза“ Скопје, додека со телесни повреди се здобиле возачот Е.Е. и неговите сопатници К.К.(30) и М.Е.(19), двајцата од с.Морани, констатирани во Градcка општа болница „Св. Наум Охридски“ Скопје.
Извршен бил увид од увидна екипа, а по преземени мерки Б.К. е лишен од слобода и задржан во полициска станица.
По целосно документирање на случајот ќе следува соодветна пријава по член 300 од Кривичниот законик.