Тешка сообраќајка се случи синоќа на автопатот „Мајка Тереза“, кај наплатната рампа „Глумово“.
Според информациите од МВР, несреќата се случи синоќа во 20:20 часот, а во неа учествуваа патничко возило „мерцедес“ со тетовски регистарски ознаки, управувано од 35-годишниот Н.А. од тетовско Порој, мотоцикл „дукати“ со скопски регистарски ознаки, управуван од 45-годишниот Д.А. од Скопје и мотоцикл „хонда“ со скопски регистарски ознаки, управуван од 43-годишниот И.П. (43).
Во несреќата тешко биле повредени сите тројца возачи, пренесени се во болница.