Вчера во единицата за информации и команда во Скопје било пријавено дека пред ресторан во село Батинци има пукање од огнено оружје при што било повредено едно лице.
Според информациите од Градската општа болница „8-ми септември“ кај нив бил донесен повреден Р.А. (35) од село Батинци со прострелни рани во долните екстремитети и врз него била извршена операција пореди сериозноста на повредите.
На пукањето претходела тепачка која започнала внатре во ресторанот и по кратко време продолжила надвор каде што дошло до пукање. Веднаш по настанот, сторителите побегалне со патничко возило „Ауди А8“, а по добиената информација тим од единицата Алфи го пронашол возилото, на кое што биле забележани оштетувања од огнено оружје.
На местото на настанот било пронајдено и патничко возило „Пежо“, сопственост на С.А. од с.Батинци. Увид на местото извршила екипа од СВР Скопје. Се преземаат мерки за пронаоѓање на сторителот и за целосно расчистување на случајот.