Претседателката на Акнтикорупциската комисија Татјана Димотровска поднесе оставка. За ова извести Кабинетот на претседателот на Собранието Африм Гаши каде Димитровска и ја испратила оставката.
– Кабинетот на претседателот на Собранието ја информира јавноста дека претседателката на Државната комисија за спречување на корупцијата (ДКСК), г-ѓа Татјана Димитровска, денес до Претседателот на Собранието, г. Африм Гаши, поднесе оставка од нејзината функција.Истовремено, ве информираме дека Собранието ке постапи согласно предвидените процедури и за истите благовремено ке бидете информирани, се вели во известувањето од кабинетот на Гаши.
Оставката доаѓа откако изби голем скандал бидејќи против Димитровска беше поднесено обвинение во врска со случајот „Адитив“.
Обвинителството ја сомничи Димитровска за две дела поврзани со овој случај- според истрагата таа незаконски се стекнала со сертификат за државна тајна а потоа и го злоупотребила оддавајќи тајни информации на осомничен во случајот Адитив.