Основното јавно обвинителство од Кавадарци поднесе обвинителен предлог против 62-годишен жител на Неготино за кривични дела предизвикување општа опасност како и за мачење животни.
„Обвинетиот, на 8.1.2023 на улицата „Индустриска” во Неготино, со намера да усмрти кучиња, истурил течен отров помешан со храна. Иако бил свесен дека на местото има голема раздвиженост на луѓе кои би можеле да дојдат во допир со отровот, тој свесно предизвикал значителна опасност. Отровот го консумирало куче кај кое настанала интоксикација и угинало“, велат од ОЈО.