Ловното друштво „Острец“ од Делчево стана концесионер на ловиштата Влаина, Голак, Бигла и Киселица.
– Три од четирите ловишта што ги добивме со концесијата се за крупен дивеч на рок од 20 години, а едно за ситен дивеч на 10 години, изјави Драган Христов, претседател на делчевските ловџии.
Во ловиштата, додаде, најзастапени се дивите свињи, зајаците и прелетниот дивеч, а од годинава, по долгогодишната забрана, ќе се овозможи и лов на срни.
За концесијата „Острец“ ќе плаќа концесиски надоместок од 2,3 милиони денари, а ловџиите за отстрел на дива свиња ќе плаќаат по 1.000 денари, а за ситен дивеч 100 денари.
Во ловното здружение „Острец“ членуваат над 250 ловџии, на кои годишната членарина им изнесува по 3.000 денари.